|
Syt mee als
45 Joor gitt's Eys
Krach-Schnygge scho... !!
Im Momänt syn mr 35 Aggdivi,
5 Oldies (d'Oldies mache nur
am Zyschtigg mit) und 2 wo im Momänt am
pausiere
sind.
Eyses Uebiggslokal befindet sich im
Antygge-Chäller bym Claraplatz. (Uff dem Wäg e härzliggs Danggscheen an
die Antygge, dass mr bi Eych im Chäller derfe si !!)
Eyse Schtamm isch im Baggeschtoos. Au an
dere Schtell, e härzliggs Dangscheen an Babsi und an Rolli.
(Ibrigens fyr die wo's noni wysse, by dene beide git's dr beschti Kaffi
mit Schuss ;-))
Do mir e FG Gugge sind, spiele mir am
Zyschtigg Oobe am Märtplatz uff dr Bihni. Mir uebe mit de Freywillige
jewyyls am Zyschtigg z'Oobe ab de halb achti s'ganze Johr duure. Fyr die
andere Aggdive wird's erscht nach de Summerferie ärnscht.
Mir sin e uffgschtellti und
disziplinierte Truppe und pflääge d'Kameradschaft nach de Proobe bym
einte oder andere Bierli und by diverse Ufftritt.
Es gitt au innerhalb vu de Schnygge es
baar
Regle,
wo mr Eys düend dra halte.
Eyses Musikrepertoire erstreggt sich yber
dr Blues bis zer klassische Muusig. De chasch also au emol mitemne
Nabucco yberrascht werde, wenn mr an dr Fasnacht am gässle syn !!
Ibrigens cha me eys au Fyr e Ufftritt aschtelle.
Willsch witteri Informatione yber
d'Krach-Schnygge erfaare, denn kontaktier doch bitte Eyse Präsi
(Fabian
Halmer)
oder dr Muusigchef (Werner
Vögtli). |
